Word Poetry Challenge #16: BAGYO

photocredit:https://www.9news.com.au/world/2018/09/15/20/25/typhoon-mangkhut-philippines-people-dead

"BAGYO"

Malakas na buhos ng ulan,
Nagdidilim na kalangitan,
Bugso ng hanging amihan,
Heto na nga ang ating kinakatakutan.

---

Maraming eksperto ang naghuhulaan.
Masamang panaho'y kanilang namataan.
Direksiyon nito'y patungo sa ating bayan.
Kaya't dapat natin itong paghandaan.

---

Mabilis na pagtakbo ng hangin,
Malakas na paghampas ng alon sa baybayin,
Pagguho ng lupa sa bulubundukin,
Ito'y posibleng ganap at nakakatakot isipin.

---

Malaking pinsala ang maging dulot sa parating na bagyo.
Kaya't dapat tayong lahat ay laging alerto.
Mahirap man o mayaman; magkaisa tayo,
Dahil ang bagyo ay walang sinasanto.

---

Sa sunod sunod na pagsubok o dilubyo na ating nakasalamuha,
Huwag nating isiping ito'y isang parusa.
Huwag sana tayong mawalan ng tiwala sa amang may likha.
Buksan natin ang ating mga mata; ito ba'y kanyang gawa o natin na kanyang likha?

---

              -katapusan ng tula-

Nawa'y magustuhan po ninyo ang aking likha 😄.