Wordchallenge No.19|"ULAN"|Tagalog Edition

amayphin (57)in #wordchallenge • 7 years ago (edited)

Emo time! Ito ang aking lahok sa patimpalak ni @jassennessaj sa linggong ito. Kung mahilig kayo sa tula, habol na sa pagsumite.
Ito yong link: Word Challenge #:19|Tagalog Edition

_{Photo by 123RF.com}
U L A N
_{Pagmamasdan lang sana ang ulan

Habang tumatagaktak sa bubungan.

Nahulog mula sa balisbisan

Salo ng kamay, sinusubukang hawakan.}

_{Mga halik nito sa bukas na palad,

Tila kalungkutan nahuhubad.

Humahakbang mga paa palabas.

Sinasabayan ang pagsayaw ng mga bulaklak.}

_{Daan-daang butil na nahuhulog

kasabay mga lagas na dahon natatapik,

At sa tangkay bumibitaw ng kapit,

Sabay lumilikha ng himig sa yerong manipis.}

_{Pagmamasdan ko lang sana ang ulan.

Ngunit mga luha 'di mapigilan.

Nakikipagsabayan sa pagbugso,

Na parang wala ng katapusan.}

_{Kaya pinipili ko ang lumabas sa daan,

Upang mga mata ay mahugasan.

Sumasayaw sa himig niyang dala,

Hanggang pareho silang tumila.}

#tula #steemph #likhang-pilipino #contest