Balqabaq keksi.

Balqabaq nə qədər faydalı olsa da, nədənsə bu bitkini çoxları sevmir. Əslində payız və qış aylarında tez-tez balqabaqlı yeməklər hazrlamaq lazımdır. Balqabaq immuniteti qaldırır, qanı artırır, qaraciyəri təmizləyir və.s

Xüsusən də uşaqları balqabaq yeməyə alışdırmaq lazımdır ki, gələcəkdə də həmişə bu vitaminlərlə zəngin olan tərəvəzi yeyə bilsinlər.

Mən soyuq aylarda balqabaqdan müxtəlif yeməklər hazırlayıram, plov, qutab, qəlyə və.s. Bunlar milli mətbəximizə aid olan yemək növləridir, fantaziyamızı işə salsaq və ya xarici mətbəxlərə nəzər salsaq, balqabaqla bağlı daha yeni reseptlər tapa bilərik.

Bu dəfə balqabaqdan şirniyyat bişirmək istədim və internetdən tapdığım bir resepti sınaqdan keçirdim. Bu balqabaqlı keksdir.
Resept asandır və nəticədə dadlı bir şirniyyat alındı

Resept:
2 yumurta, 1 st şəkər tozu, 100 qr yağ, qabartma tozu, 1 st un, 200 qr balqabaq, yarım st qoz.

2 yumurta 1 st şəkər tozu və 100 qr yumşaldılmış yağla çalınır. Sonra sürtkəcdən keçirilmiş balqabaq( təxminən bir dolu stəkan), yarım st doğranmış qoz, qabartma tozu və un əlavə olunub yenə qarışdırılır. formaya tökülüb 180 dərəcə isidilmiş sobada 20-30 dəqiqə bişirilir.

Bişdikdən sonra keksdən qətiyyən balqabaq iyi və ya dadı gəlmir. Bizim evdə bu keksi çox bəyəndilər, odur ki, yəqin bu qış balqabaq keksini tez-tez bişirməli olacam.