Thought Pattern... Anima Libera... Original Poetry
Years done pass since mi last si mi nana
last time wi talk she did a tell mi bout mi gramma
say di nail still have use even if u nave no hamma
so mek dem hear u voice speak up and do no stamma
no disrespect no gal no tell no yute about dem mada
mi believe u a di truth in my eyes mi si no other
now every time mi reminicis bout dem days deh dat done past
introspec mi affi ask why dem times deh couldn't last
mi smiling face hide all a di tears under mi mask
so mi married to the weed it even betta with a flask
people die in time but dem memories live on
Grandma though u gone man still a hold it off
fi younga sis mi likkle bro mi still a hold it off
mi still si u face everytime mi si dem laugh
mom and dad dem help mi sustain
when man lack up inna jail them help mi through di pain
now mi a link the ganah massive and help them through the same
while the winds a revolution be fanning fi wi flame
and since wi wise up to di game wi change wi last name
success without struggle is like the muscle without brain
so while the fake be top the charts to di real dem lame
cause di real chart toppers can't sell out fi the fame
sometime mi feel fi settle and simply just give in
forget about mi ethics and simply just give in
but man living for cause so mi simply just giving
to who born fi lose never have no chance fi win
fi believe inna dem gad a fi live di biggest sin
like fi give up on the essence a everything that dwells within
like when memories a pain edged deep under mi skin
so wi use the colored cream fi whiten melanin
sometimes mi play so well and still can't seem to score
is there such a thing as poor or men just wanting more
when the earth done provide everything fi live
yet some rich and abide while some bearly can survive
A real simple life no wifi where the birds fly by
and the beez buzz
how u mean cuz real love
if the music never real it wouldn't reach ya
first we wrap up inna thoughts and then wi unwind
ain't no place that u'll find more peace than u mind
the cerebral cortext the cerebrum
the sanctuaries of choice in me need none
people love them phone more than the people whe them tex
ask them fi attention best beleive them will be vex
dem no really wha fi link u
a just the phone dem wha fi use
don't care bout the choices that u choose don't
care bout u views
the simplest thoughts deeper than a well
this might not mek no sense
unless u thinking for yourselves
history tells a future where the past will be present
that's why them conquor africa den dem
teach wi dem self resent
hence me represent ganah massive till mi dead
imagine being woke while ur alseep inna u bed
let me say this again least we forget
you've never lived at all unless u die with no regret