電影 - 콘크리트 유토피아 - 烏托邦浩劫

電影 - 콘크리트 유토피아 - 烏托邦浩劫

文明毁滅之後，我哋仲需唔需要講道德呢？

就正如當滿街都係喪屍嘅時候，我哋仲需唔需要返工呢？

南韓嘅半島社會時有天災、人禍、戰爭嘅陰霾喺附近，佢孕育嘅災難片同日本有啲唔同。

今次嘅故事背景係當首爾出現大地震後，只剩低一棟超過幾百個單位嘅大樓，外面盡是頹垣敗瓦，如果你係能夠逃過一劫嘅大樓住客，面對呢個情景你會點做呢？你唔知道外面嘅世界變成點？眼前嘅只有廢墟，外邊有好多難民而你手頭上嘅資源亦都有限。

導演嘅拍攝手法都幾流暢，同埋有啲有趣嘅角度，重點係有呢個咁樣嘅背景設定去睇，其實所謂嘅社會政治領袖地位其實係啲咩嚟嘅？人去到極端情況時，又點樣講人性道德呢？呢齣唔只係災難片，而係政治片。