knowledge

ဟိမဝန္တာတောင်ကို ကမ္ဘာ့အမြင့်ဆုံးတောင်လို့ လူတွေတင်စားကြပါတယ်။ "ငှက်တောင်မှ ဖြတ်ကျော်ပျံသန်းလို့မရတဲ့တောင်"လို့
လည်း ဆိုကြပါတယ်။ ဟိမဝန္တာတောင်တန်းရဲ့
အမြင့်ဆုံးတောင်ထိပ်
ဧဝရက်တောင်ထိပ်အရောက်
တက်နိုင်ခဲ့ရင်တောင် ကြာရှည်မနေနိုင်ခဲ့ကြပါဘူး။

ဒါပေမယ့် နှစ်စဉ်နှစ်တိုင်း Demoiselle ကြိုးကြာငှက် ၅သောင်းခန့်ဟာ အိန္ဒိယဖက်ဆီ ဆောင်းခိုဖို့ ဟိမဝန္တာတောင်ကို ဖြတ်ကျော်ပျံသန်းကြပါတယ်။

ဒါဟာ ကမ္ဘာပေါ်မှာ အခက်ခဲဆုံးရွေ့ပြောင်းမှုတစ်ခုပါ။ မနက်ပိုင်းဆိုရင် တောင်ထိပ် မှာလေကြမ်းတိုက်ခိုက်ပါ တယ်။ Demoiselle ကြိုးကြာ ငှက်တွေက လုံလောက်တဲ့အမြင့်ဆီ ပျံသန်းနိုင်မှသာလျှင် လေကြမ်းကိုရှောင်နိုင်မှာဖြစ်တယ်။ ဒါပေမယ့် ပြင်းထန်တဲ့လေထုနဲ့ကြုံရင် သူတို့လမ်းကြောင်းပြန်လှည့်ရပါတယ်။ ပြန်မလှည့်ရင် သူတို့သေဆုံး ရပါတယ်။ နေ့သစ်မှာ မျှော်လင့်ချက်အသစ်နဲ့ သူတို့ပျံသန်းကြပြန်ပါတယ်။ အချင်းချင်း နီးနီးကပ်ကပ်နဲ့ ညာသံပေးပြီး ပျံသန်းကြပြန်ပါတယ်။ အစာ ရေစာချို့တဲ့လို့ သူတို့ဟာအင်အားချိနဲ့နေကြပါပြီ။ အပေါ်ဖက်ဆီထိုးတက်တဲ့ လေနွေးငွေ့ကိုအားပြု ပြီး ကိုယ့်ကိုယ်ကိုအမြင့်ကိုရောက်ဖို့ သူတို့ပျံသန်းကြပါတယ်။

Demoiselle ကြိုးကြာငှက် အများအတွက်တော့ ဒါဟာ ပထမဆုံးအကြိမ် ဟိမဝန္တာတောင်ကို ဖြတ်ကျော်ကြတာပါ။ တချို့Demoiselle ကြိုးကြာငှက်အတွက်တော့ ဒါဟာ နောက်ဆုံးတစ်ကြိမ်လည်း ဖြစ်ပါလိမ့်မယ်။ ဘာဖြစ်လို့လဲဆိုတော့ သားရိုင်းတစ်မျိုးဖြစ်တဲ့ golden eagle ရွှေလင်းယုန်ငှက်တွေက သူတို့ကိုဖမ်းစားဖို့ စောင့်နေကြလို့ပါ။ ရွှေလင်းယုန်တွေဟာ စုံလိုက်ဆီးစောင့်နေပြီး ငယ်ရွယ်တဲ့ Demoiselle ကြိုးကြာငှက်တွေကို အုပ်စုထဲကနေခွဲထုတ်ပစ်ပြီး သူတို့ရဲ့ချွန်ထက်တဲ့လက်သည်းနဲ့ ဖမ်းကုတ်စားသောက်ပါတယ်။ အဖွဲ့ဝင်တွေ တဖြုတ်ဖြုတ်ဆုံးရှုံးသွားတာနဲ့ကြုံရတဲ့
Demoiselle ကြိုးကြာငှက်တွေဟာ ဘာမှမတတ်နိုင်ဘဲ ဆက်လက်ပျံသန်းကြပါတယ်။

ဆိုးဝါးတဲ့ရာသီဥတု၊ ရက်စက်တဲ့ဝိုင်းအုံမှုတွေက ဟိမဝန္တာတောင်ကို ဖြတ်ကျော်ပျံသန်းမယ့် Demoiselle ကြိုးကြာငှက်ရဲ့ဆုံးဖြတ်ချက်ကို မတွန်းလှန်နိုင်ခဲ့ပါဘူး။ အမြင့်ဆုံးတောင်ထိပ်ဆီ သူတို့တစ်ဟုန်ထိုးပျံတက်ကြတယ်။ အထူးသဖြင့် နောက်ဆုံးအမြင့်နေရာရောက်ချိန်မှာ တောင်ပံတစ်ချက်ခတ်တာတောင် သူတို့အရမ်းအားယူကြရပါတယ်။ ဒါပေမယ့် နောက်ဆုံးမှာ ဟိမဝန္တာတောင်ကို သူတို့ဖြတ်ကျော်ပျံသန်းနိုင်ခဲ့ကြပါတယ်။ Demoiselle ကြိုးကြာငှက်က ကြိုးကြာငှက်မျိုးနွှယ်ထဲမှာ ခန္ဓာကိုယ်အသေးဆုံးဖြစ်တယ်။ ဒါပေမယ့် သူတို့ရဲ့ခန္ဓာကိုယ်ထဲမှာတော့ ကြီးမားတဲ့အင်အားတစ်ခုက ခိုအောင်းနေခဲ့ပါတယ်။ အဲဒီအင်အားက ကျွန်တော်တို့ကို အံ့သြတုန်လှုပ်စေခဲ့ပါတယ်။

ဟိမဝန္တာတောင်က "ငှက်တွေတောင် ဖြတ်ကျော်ပျံသန်းလို့မရတဲ့တောင်" မဟုတ်ဘူးဆိုတာကို Demoiselle ကြိုးကြာငှက်က ကျွန်တော်တို့ကို သက်သေပြခဲ့ပါတယ်။

ဟုတ်ပါတယ်... စိတ်မြင့်သလောက် မိုးကောင်းကင်ကြီး လိုက်မြင့်ပါတယ်၊ စိတ်ကျယ်ပြောသလောက် လောကကြီးလိုက်ကျယ်ပြောပါတယ်။ နပိုလီယံပြောခဲ့သလိုပါပဲ... "လူတစ်ယောက် ဘယ်လောက်မြင့်မြင့်ပျံသန်းနိုင်မယ်
ဆိုတာကို တခြားအကြောင်းရင်းတွေနဲ့ ဆုံးဖြတ်တာမဟုတ်ပါဘူး.. သူ့ရဲ့စိတ်နဲ့ပဲဆုံးဖြတ်ပါတယ်"တဲ့။

ဒီလောကမှာ လူအများကင်းမဲ့နေတာက စိတ်ကူးအတွေးတွေမဟုတ်ပါဘူး.. သူတို့ကင်းမဲ့နေတာက လက်တွေ့လုပ်ဆောင်တဲ့ကြိုးစားမှုနဲ့ လုံ့လပါ။ လူတိုင်းရဲ့ရှေ့မှာ ကန့်လန့်ခံနေတဲ့ "ဟိမဝန္တာတောင်"တွေ အများကြီး ရှိကောင်းရှိပါလိမ့်မယ်။ လူအများက ဒါကို ဖြတ်ကျော်ပျံသန်းဖို့ခက်ခဲနေခဲ့တာဟာ
သူတို့မှာ ကြံ့ခိုင်သန်မာမှုတစ်မျိုး၊ ဇွဲလုံ့လတစ်ခုနဲ့ တောင့်ခံမှုတစ်ခုလေးပဲ ကင်းမဲ့နေခဲ့တဲ့အတွက်ကြောင့်လည်း ဖြစ်ကောင်းဖြစ်နိုင်ပါတယ်။

မူရင်း-- ၂ဝဝ၇ခုနှစ် အမှတ်စဉ် ၁၅ Readers (DuZhe) မဂ္ဂဇင်းထဲမှာပါတဲ့ စာတစ်ပုဒ်ထဲက ကောက်နုတ်ဘာသာပြန်ထားတာဖြစ်ပါတယ်။
#credit

---

လင်းယုန်တွေကို ကောင်းကင်မှာ မြင်မိတဲ့အခါ သူတို့နဲ့ ဆက်စပ်လို့ တွေးမိတာလေး ရှိတယ်ဗျ။ လင်းယုန် တွေဟာ ရဲရင့်တယ်။ လွတ်လပ်တယ်။ တခြားလင်းယုန်တွေနဲ့ အတူ တွဲဖက် သွားလာခြင်း မရှိပဲ တစ်ကောင်ထဲ ပျံသန်းတယ်။

ဒီလိုတွေးမိရင်းနဲ့ တခြားတစ်ဖက်မှာလဲ တလောက ဖတ်ဖူးတဲ့ ကနေဒါနိုင်ငံက ဘဲငန်းတွေအကြောင်း ဆောင်းပါးလေး တစ်ခုကို သွားသတိရ မိလိုက်တယ်။

ဘဲငန်းတွေဟာ ဆောင်းဦးရာသီ ရောက်တိုင်းမှာ အအေးဒဏ် ရှောင်ဖို့ အတွက် အမေရိကန်နိုင်ငံ တောင်ဘက်စွန်း ဒေသတွေ ဆီကို အုပ်စုဖွဲ့ ရွှေ့ပြောင်းလေ့ ရှိကြပါတယ်တဲ့။ ထူးခြားတာက ဒီဘဲငန်း အဖွဲ့လိုက်ကြီးဟာ ကနေဒါ ရေပိုင်နက်ကနေ စတင် ပျံသန်း တက်လာ တာနဲ့ ချက်ချင်း အင်္ဂလိပ် အက္ခရာ "V" ပုံသဏ္ဍာန် ဖွဲ့စည်းပြီး ပျံသန်းကြသတဲ့ဗျ။

ဒီလို ပျံသန်းရတဲ့ နောက်ကွယ်က ရည်ရွယ်ချက်တွေက -

(၁) ရှေ့က ဦးဆောင်ပျံသန်းတဲ့ ဘဲငန်း က တောင်ပံ တစ်ချက် ခတ် လိုက်တိုင်း ခတ်လိုက်တိုင်း နောက်ကပ်လျက်က ပျံသန်းနေတဲ့ ၂ ကောင် အတွက် ပင့်လေ ဖန်တီးပေးနေအောင် စီမံ အကွက်ချ ပျံသန်းနေခြင်း ဖြစ်ပါတယ်။ ဒီတော့ နောက်အကောင်တွေကို သက်တောင့်သက်သာ ဖြစ်စေတယ်။ ပြီးတော့ တစ်ကောင်ထဲပျံရင် ရောက်မယ့်ခရီးထက်ကို ဒီလိုပျံခြင်းအားဖြင့် အဆ ၇၀ ပိုရောက် သွားနိုင် သတဲ့။

(၂) အကယ်၍ ဘဲငန်းတစ်ကောင်ကောင်အနေနဲ့ ဟန်ချက် ပျက်ပြီး တော့ ဘေးကိုယိုင်ထွက်သွား ခဲ့မယ် ဆိုရင် တောင် မိမိရှေ့မှာ ရှိနေ သူရဲ့ ပင့်လေဟာ နောက်ကပ်လျက် ဘဲငန်းကို အားလျော့သုံးအောင် ကူညီ ဖေးမပေးနေသလို ဖြစ်ပါသတဲ့။ ဒီတော့ ဟန်ချက်ပျက်ပြီးတော့ အောက်ကိုပြုတ်ကျမယ့် အန္တရာယ်ကို ကာကွယ်ပေးနေတာပေါ့။

(၃) "V" ဆုံမှတ်နေရာက ဦးဆောင်ပျံသန်းသူက ခေါင်းဆောင်ဗျ။ ဒါပေမယ့် ဒီနေရာ က အသေမဟုတ်ဘူး။ ပင်ပန်းလာတဲ့အခါ မှာ ဒုတိယခေါင်းဆောင်တွေကို အလှည့်ကျ နေရာပေးလို့ သူကဟိုး အနောက်မှာ သွားနေပြီးတော့ အမောဖြေတယ်။ ဒီအခါမှာ ဒုတိယခေါင်းဆောင်တွေက ရှေ့တက်လို့ အနောက်က ကောင်တွေ အရှေ့က ဦးဆောင်တဲ့ နေရာဆီကို တစ်ဆင့်စီ ဝင် ဝင်လာကြ တယ်တဲ့။

(၄) နောက်ကလိုက်တဲ့ ဘဲငန်းတွေ အနေနဲ့ ဒီလိုပျံသန်းစဉ် တစ်လျှောက် ပေါ့ပေါ့ပါးပါး ပျံသန်းနေရ ပေမယ့်လို့ ခပ်ပေါ့ပေါ့ လက်လွတ်စပယ် မနေဘူးတဲ့ဗျာ။ အားလုံး လမ်းတလျှောက် တဂတ်ဂတ် နဲ့ အသံပေးလာလေ့ ရှိသတဲ့။ ဒီအသံပေးရတဲ့ ရည်ရွယ်ချက် က ရှေ့ဆုံးက အရုန်းကန်ရဆုံး အကောင်ကို အားအင် တွေ ဖြစ်လာစေသတဲ့။

(၅) အကယ်၍ ဒီလို ပျံသန်းနေတုန်း တစ်ကောင်ကောင်က ဖျားနာလို့ ဖြစ်ဖြစ် သေနတ်နဲ့ လှမ်းပစ်ခံ ရလို့ပဲ ဖြစ်ဖြစ် ဆက်မပျံသန်း နိုင်တဲ့ အခါ ဒီ အဖွဲ့အစည်းထဲက နောက်ထပ် ၂ ကောင်ကပါ မြေပြင်ကို ဆင်းလိုက် သွားသတဲ့။ ဒီထိခိုက်သွားတဲ့ ဘဲငန်း ပြန်မကောင်း လာခဲ့ရင်လဲ သေသည်အထိ အနားမှာ စောင့်ရှောက်ပေးသွားလေ့ ရှိပြီး သေသွားတော့မှသာ နောက်ထပ် ဘဲငန်းတစ်အုပ် အလာကို ထပ်စောင့်လို့ နောက်ထပ် "V" အဖွဲ့အစည်းနဲ့ အတူ လိုက်ပါသွား သတဲ့ဗျာ။

ဒီတော့ ကျွန်တော်စဉ်းစားမိတယ်။ လင်းယုန်တွေဟာ ရဲရင့်တယ်။ မှန်ပါတယ်။ ပြီးတော့ လွတ်လပ် တယ်။ ဒါလဲမှန်တယ်။ ဒါပေမယ့် ဘဲငန်းတွေရဲ့ အဖွဲ့လိုက် အားထုတ်မှုကြောင့် ရောက်ရှိတဲ့နေရာ တစ်ခုကို လင်းယုန်တွေ တစ်ကောင်ချင်းစီ ရောက် လာဖို့ ဘယ်လောက် တောင် ရုန်းကန်ကြရမလဲ။ လမ်းခရီးမှာ မိတ်ဆွေ အပေါင်းအသင်းလဲမရှိ ကူညီဖေးမပေးသူလဲ မရှိပဲနဲ့ ဘယ် နှစ်ကောင် များ သေကြေပျက်စီး ကြပြီး ပြီလဲ။ ပျံသန်းရင်းနဲ့မောပန်းလို့ ဖေးမ ပေးသူ မရှိ လက်လျှော့သွားတာရော ဘယ်လောက်တောင် များ ရှိနေပြီးပြီလဲ။

ဒီနှိုင်းယှဉ်မှုကနေ ရလိုက်တဲ့ သင်ခန်းစာလေးက.. လင်းယုန်တို့ဟာ တစ်ကိုယ်ကောင်းစိတ်ဓာတ် ပိုင်ရှင် တို့နဲ့ အလားသဏ္ဍာန်တူပြီးတော့ ငန်းတွေကတော့ အသင်းအဖွဲ့ စိတ်ဓာတ် (Teamwork) တို့နဲ့ အလားသဏ္ဍာန် တူပါလိမ့်မယ်။

ကျွန်တော်တို့တွေဟာ လုပ်ငန်းတစ်ခုကို လုပ်ကိုင် ဆောင်ရွက်ကြမယ်ဆိုရင် -

(၁) ဘဲငန်းတွေ အုပ်စုဖွဲ့ ပျံသန်းခြင်းကြောင့် ခရီးပိုဝေးဝေး ရောက်နိုင် တာကို သင်ခန်းစာယူပြီး ရေရှည်မှာ ရပ်တည်ဖို့ အတွက် ကျွန်တော်တို့ အသင်းအဖွဲ့လိုက် လှုပ်ရှားသင့်တယ်လို့ မြင်မိပါတယ်။

(၂) တစ်ကောင်ဟန်ချက်ပျက်ချိန်မှာ နောက်တစ်ကောင်ရဲ့ ပင့်လေက အကူအညီပေးတာကို သင်ခန်းစာယူပြီး အဖွဲ့အစည်းထဲက တစ်ယောက် ယောက် ဒုက္ခရောက်နေစဉ်မှာ နှစ်သိမ့်တဲ့ ပင့်လေပြေ တွေ အဆက်မပြတ် တိုက်ခတ်ပေးသင့် ပေးရပါ့မယ်။

(၃) ခေါင်းဆောင်နေရာ ဖယ်ပေးခြင်းနဲ့ အလှည့်ကျ ဦးဆောင် ရုန်းကန် ခြင်း ကို သင်ခန်းစာယူလို့ ကျွန်တော်တို့သည်လည်း မိမိရာထူး ဂုဏ် တွေ ကို မဆုပ်ကိုင်ထားပဲ သင့်တော်သူကို ချီးမြှောက်ခြင်း နဲ့ နောက် တက်လာသူကလည်း ကျရာနေရာကို အကောင်းဆုံး ပြုလုပ် သွား ရပါ့မယ်။

(၄) ဘဲငန်း အချင်းချင်း အသံပေးတာကို သင်ခန်းစာ ယူပြီးတော့ အဖွဲ့အစည်းထဲမှာ လှုပ်ရှားရုန်းကန် နေရသူတွေကို အားတက် လာအောင် ချီးမွမ်းသင့်တာ ချီးမွမ်းလို့ မြှောက်စားသင့်တဲ့အခါ မြှောက်စားလို့ လက်ခုပ်သြဘာသံတွေ ပေးနေသင့်ပါတယ်။

(၅) နာမကျန်းတဲ့ ဘဲငန်းကို အခြံအရံလုပ်ပေး ကြတာကို သင်ခန်းစာ ယူလို့ အဖွဲ့အစည်းထဲက တစ်စုံတစ်ယောက် ထိခိုက် နစ်နာတဲ့ အခါမှာလဲ တစ်ယောက်ထဲ ပစ်မထားပဲနဲ့ ရပ်တည် ကာကွယ် ပေးရပါမယ်။

အားလုံးပဲ ငန်းတို့ရဲ့ စိတ်ထားနဲ့ ထပ်တူကျကျ လှလို့ လောကမှာ အောင်မြင်နိုင်ကြပါစေ။

#kyawnge

---

ကြိုးကြာငှက်တွေက
ကနေဒါနိုင်ငံရဲ့ ဘဲငန်းတွေလိုပဲ
ပျံသန်းပုံချင်းတူညီနေတာကို လေ့လာမိတဲ့အတွက်
တစ်ဆက်တည်း ဖော်ပြပေးလိုက်ပါတယ်။
#Aung_Kyaw_Myint

---