Dis Bwoy
Dis Bwoy
By A.T.Myrie
Dis bwoy si mi pon di street
And start run him dutty teet
Like mi know im
And me and im a sleep
But mi nah chat to him
So mi kiss mi teet
Dis bwoy tek offense
And start cuss like
A bitch in heat
Mi jus ole mi head straight
Nuh look lef nor right
Cah mi know if mi stop
And answer dis bwoy
Me and im a guh fight
Mi nah seh mi a guh win
Cah him bigger dan mi
But mi a guh gi im a bitch lick
And mek him si blinky
Cah mi nuh trouble people
But dis bwoy wah trouble mi
Cah duppy know who fi frighten
And dem nuh frighten mi
And just as quick him start
Dis bwoy stop
Cah one nex woman passing
And im determine not to flop
Written October 30,2019
@DJH @ 11:35am
Hey there. Glad to see you posting, next time you can use some pics. Even from around the net to spice up the post a bit and grab some attention. If you don't have any pics of your own you can search the net and use some, just be sure to add a link to the source of the pic. Good writing mi friend.
Lovely. Thank you for posting :D Would love to hear more.
Yeah man, love da style deh. Your pic, your poetry.