The diary game, Pakistan

السلام علیکم ،

اج کافی دن کے بعد میں ڈائری لکھنے کے لیے بیٹھی ہوں۔اور سمجھ نہیں ارہا کہ کیا لکھوں کیونکہ روزمرہ کی روٹین میں کچھ ایسا نیا نہیں ہے جو کہ لکھا جائے۔مگر پھر بھی فارغ بیٹھنے سے بہتر ہے کچھ لکھا جائے۔
اج صبح کا اغاز سحری کے ٹائم سے ہوا۔اج کل میں عید الفطر کے بعد شوال کے روزے رکھنے کا اہتمام کر رہی ہوں۔عید الفطر کے بعد شوال میں چھ روزے رکھنے کا حکم ہمارے دین نے دیا ہے اور اس کا ثواب ایسا ہے جیسے ہم نے سارے سال کے روزے رکھے ہوں۔نیکی کرنے کا کوئی بھی موقع ہاتھ سے نہیں جانے دینا چاہیے لہذا میں بھی اپنے اپ کو نیکی کرنے کی اس ذریعے میں مصروف رکھنا چاہتی ہوں اور میں نے شوال کے روزے رکھنا شروع کر دیے ہیں۔الحمدللہ اج میرے پانچ روزے ہو چکے ہیں۔
سحری کرنے کے بعد فجر کی نماز پڑھ کے میں سو گئی اور اپنے بچوں کے ساتھ 10 بجے سو کر اٹھی تو ان کے ناشتے کا ٹائم ہو چکا تھا لہذا سب بچوں کے لیے ناشتہ بنایا اور ساتھ ہی دوپہر کا کھانا بنانے کے لیے کھڑی ہو گئی۔کھانا بنا کر فارغ ہوئی تو میری بیٹی کی فرمائش پر بازار سےاس کو چوزہ دلوا کے گھر لے کر ائی۔

دراصل رمضان میں میری بیٹی کے رزلٹ کی اناؤنسمنٹ ہوئی تھی اور امید کے مطابق فرسٹ پوزیشن انے پر اس کو اس کی پسند کا گفٹ دلوانے کا وعدہ کیا تھا لہذا اس نے جب چوزے کی فرمائش کی تو وہ فورا پوری کی گئی۔

یہ چوزہ کم اس کا کھلونا زیادہ تھا ہر وقت ہاتھ میں اور کندھے پر لگائے گھوم رہی تھی۔حالانکہ میں نے ابھی کچھ ہی دن پہلے اس کو کھلونوں کا نیا سیٹ لے کے دیا ہے اس میں تعلیمی سرگرمیوں کی بہت اچھی ایکٹیوٹیز موجود ہیں۔

چوزہ لینے جانے سے پہلے میں نے تھوڑی دیر اپنی بیٹی کو اس کھلانوں میں ہی مصروف کیا تھا نئے نئے الفاظ بنانے کا طریقہ بچوں کو اسی گیم سے اتا ہے۔

میری چھوٹی دونوں بیٹیوں کا رمضان میں ہی رزلٹ ایا ہے اور اس رزلٹ کو منانے کی خوشی میں میرے بیٹے نے بہت ہی خوبصورت اور محنت سے بنایا چاکلیٹ باکس بہنوں کو گفٹ کیا۔

اس چاکلیٹ باکس کی تیاری وہ کافی دنوں سے کر رہا تھا بالاخر اس کے باکس کے دروازوں کی سائز کی چاکلیٹ لا کے سب چاکلیٹس لگائیں اور اپنی بہنوں کو گفٹ کیا۔
شام کو افطار کا ٹائم ہو چکا تھا اور میرے روزہ کھولنے کے لیے میری بیٹی نے بہت اچھی سی افطاری تیار کی ہوئی تھی ہم سب نے بیٹھ کے افطاری کھائی اور روزہ افطار کیا۔

گرمی کا روزہ شروع ہو چکا تھا لہذا پیاس کافی زیادہ محسوس ہوئی مگر افطار میں جب ٹھنڈا شربت پیا تو بہت سکون محسوس ہوا۔اللہ کا شکر ہے کہ اس نے بہترین طریقے سے روزہ پورا کروایا ۔دعا ہے کہ اللہ تعالی روزوں کو قبول بھی کر لے امین۔

میں امید کرتی ہوں کہ اپ کو میری ڈائری پسند ائی ہوگی شکریہ۔