Sabroso/ Tasty rv-sabroso , Pakistan,Aloo Gobhi ki bhijya

!السلام علیکم

اج بازار جا کے مجھے سبزی لینے کا اتفاق ہوا ۔کیونکہ زیادہ تر میرے بچے سبزی نہیں کھاتے ،اس لیے میں کچھ خاص سبزی کی خریداری نہیں کر پاتی۔ لیکن جب میں بازار سے گزری تو وہاں پہ اتنی خوبصورت اور تازہ سبزی دیکھ کے میں لیے بغیر نہ رہ سکی۔ اس لیے پھول گوبھی خرید لی تاکہ بچوں کو الو کے ساتھ گوبھی کا سالن بنا کے کھلاؤں۔

میں نے چونکہ گوبھی کو سالن کی شکل میں پکانا تھا اس لیے وہ بھی کی بھوجیا الو کے ساتھ بنانا شروع کی۔

سب سے پہلے گوبھی کو اس طرح سے کاٹا کہ اس کے اوپر کے بھول الگ کاٹ لیے۔ اور پھولوں کے نیچے موجود ڈنٹھل باریک باریک الگ کاٹ لی ۔ دونوں کو دھونے کا کام بھی علیحدہ علیحدہ برتنوں میں کیا۔

پھول

ڈنٹھل

(احتیاط)

گوبھی کو اس طرح سے کاٹنے کی ایک سب سے بڑی وجہ یہ ہے کہ پھول بہت جلدی نرم ہو جاتا ہے۔ اور نیچے کی ڈنٹھل ذرا دیر میں نرم ہوتے ہیں۔ اس لیے دونوں کو الگ الگ کاٹا جاتا ہے۔ اور پکانے کا کام بھی الگ الگ ہی کیا جائے گا پہلے ڈنٹھل پکائیں گے۔ جب وہ نرم ہو جائیں گے تو پھر ہم اس کے اندر گوبھی کے پھول بھی شامل کریں گے۔

سب سے پہلے پیاز فرائی کر کے اس میں نمک، مرچیں، ہلدی، لہسن ٹماٹر سب چیزیں حسب ضرورت ڈال کے مصالحہ بھون لیں گے۔

اس ٹائم میں جلدی میں تھی۔اس لیے میں تصاویر لینا بھول گئی ۔مگر جب یاد آیا تو باقی کی تمام تصاویر آپ کے سامنے ہیں۔

مصالحہ بھوننے کے بعد سب سے پہلے مصالحے میں گوبھی کے ڈنٹر ڈال کےڈھکن ڈھک کر ہلکی انچ پہ پکائیں گے۔

آلو

حسب ضرورت الو لے کے ان کو چھیل کے چھوٹے سائز میں کاٹ لیں گے اور ڈنٹھل کے نرم ہونے کے بعد الو بھی شامل کر دیں گے۔اور پکنے کے لیے ڈھکن ڈھک کے ہلکی انچ پہ رکھ دیں گے

جب الو پکے نرم ہو جائیں گے تو گوبھی کے پھول بھی بھجیا میں شامل کر دیں گے۔

ایک دفعہ پھر ڈھک کے ہلکی انچ پہ ہی پکنے کے لیے چھوڑ دیں گے۔

(احتیاط)
کسی بھی قسم کی سبزی کی اگر بھجیا بنانی ہے تو اس میں پانی بالکل بھی نہیں ڈالتے۔ کیونکہ پانی ڈالنے سے بھجیا کا ذائقہ چینج ہو جاتا ہے۔ جو کہ مزے کا نہیں لگتا۔ سبزیوں میں اپنا پانی بہت ہوتا ہے۔ وہ ہلکی انچ پہ پکنے سے اپنے ہی پانی میں نرم ہو جاتی ہے۔

جب گوبھی کے پھول بھی نرم ہو جائیں تو اس کے اوپر تھوڑی سی اجوائن چھڑک دیں گے ۔

۔ہرا دھنیا اور ہری مرچیں کاٹ کے ڈال دیں۔ بھجیا تیار ہو گئی

@suryati
@penny4thought
@shiftitamanna

اپ لوگ بھی اس مقابلے میں ضرور شرکت کریں اور اپنی بہترین ریسپیز ہمارے ساتھ شیئر کریں۔