پانی کاگولہ

پانی کے لئے ترسے سوڈانی علاقوں میں جب کبھی تھوڑی بہت بارش ہو جائے تو مقامی آبادی بڑے سائز کے کدو/تربوز جیسے پھلوں کے بیج زمین میں کثرت سے ڈال دیتی ہے تاکہ مٹی میں نمی ختم ہونے سے پہلے پہلے یہ پھل تیزی سے بڑے ہوجائیں جنہیں کاٹ کر گھروں میں جھونپڑیوں میں اسٹور کردیا جاتا ہے اور اگلے چند ماہ یہ اس گھر کے تمام افراد کے پینے کے پانی کی ضروریات پوری کرتےہیں۔ یہ بارش کے پانی کو زیادہ دیر تک ذخیرہ کرنے کا ایک قدرتی طریقہ ہے۔

مملکت سوڈان کا ایک بہت بڑا علاقہ پانی کی انتہائی قلت کا شکار ہے۔ دریائے نیل سے جیسے جیسے دور ہوتے جاتے ہیں تو زندگی مشکل ہوتی جاتی ہے۔ خصوصاًعظیم تر دارفور ریاستوں کا بڑا علاقہ پانی کی کمی کاشکار ہے جس پر دو دہائیوں سے خانہ جنگی ہورہی ہے۔

شکر کریں آپ کے کچن میں لگے نل میں چوبیس گھنٹے پانی چل رہا ہے۔ اس کی قدر کریں اور اسے ضائع ہونے سے بچائیں۔