මගේ නොවන මගේ නංගි | 5% For sl-charity

_Source

මං චූටි කාලෙ පොඩි බබාලට හරිම ආසයි. මට ඉන්නෙ අයියල දෙන්නෙක් නිසා ඉස්සර ඉදලම මාත් එක්කම ඉන්න මල්ලියෙක් හරි නංගියෙක් හරි ලැබෙනව නම් කියල හෙන ආසාවෙන් හිටියෙ..ඒත් මටම කියල නම් චූටි සහෝදරයෙක්/සහෝදරියක් ලැබුනෙ නෑ. මට අවුරුදු 10-11 වගේ තමා එ පිස්සුව හොදටම තිබ්බෙ.ඒ කියන්නෙ චූටි බබෙක්ව ලග තියන් ඉන්න මාරම ආසයි ඒ කාලෙ.පස්සෙ නම් ලොකු වෙද්දි ඕව ගානක් උනේ නෑ. ඒ පිස්සුව හොද උනාටත් පස්සෙ මට අවුරුදු 15දි චූටි නංගි බබෙක්ව හම්බුනා..ඒ මගෙ පුංචිගෙ දුව..අපි ඉන්නෙ එකම ලග ගෙවල් දෙකක..එ කියන්නෙ අපේ ගෙදරයි මහ ගෙදර කියන එකයි තියෙන්නෙ එකම ලග..

මං 10 වසරෙ ඉද්දි තමා නංගි ඉපදුනෙ. ඉස්සර තරම් පිස්සුවක් නැති උනාට චූටි බබාලට අකමැත්තක් නෑ ඉතින්.අනික නංගි මගෙම නොවුනට මගෙ වගේ නෙ..මට මතකයි නංගිව එකටම ගෙදර ගෙනාපු දවස..එයාව හම්බෙන්න ඕන දවසට සති 2කට විතර කලින් තමා හම්බෙලා තිබ්බෙ..චූටි අත් කකුල් වලට මං ආස වුනා..

2019, ජුනි 06 ඉපදුනාට එයාව ගෙදර ගේන්න දවස් ගානක් ගියා, මට එයාව එකටම දකින්න ලැබුනෙත් ගෙදර ගෙනාවම..වැස්ස දවසක රෑ චූටි මී පැටියෙක් වගේ, අඩන එකේ ඉවරයක් නැති නංගි බබාව ගෙදර එක්කන් ආව..ගෙනාපු ගමන්ම ඉතින් වැඩිය බලන්න ගියෙත් නෑ, කොහොමත් ගෙදර නෙ ඉන්නෙ.. අවුරුදු 15ක් කියන්නෙ ඉතින් ටිකක් ලොකු වයසක් නෙ, ඉතින් මං හිතුව මට බබාව අතට ගන්න දෙයි කියල, ඒත් ඒක නම් කරන්න උනේ බබා ගෙනත් මාසයක් විතර ගියාට පස්සෙ. ඒ තරම්ම මාව ෂුවර්.

මං චූටි බබෙක් ලොකු වෙන විදිහ දැක්කෙ නංගිගෙන්. චූටි බබාව වඩාගන්න ආසාවෙන් හිටියට මුල් මාස 3දි එයාව නිකන් බලන්න, ලගට වෙලා ඉන්න විතරයි හම්බුනෙ. ඒත් පස්සෙ නම් කොන්ද රිදෙනකන්ම වඩාගෙන ඉන්න වෙලා තියනව ඒකටත් හරි යන්න. මුල් මාස 3 ඇතුලෙ දි එයා අනු‍රාධපුරේත් ගිහින් මාසයක් විතර ඉදල ටිකක් ලොකු වෙලා ආවෙ. එතකොට මට එයත් එක්ක ඉන්න ගොඩක්ම හම්බුනෙ එයාට මාස 4ක් වගේ උනාට පස්සෙ.

--4 Months--

ඉපදුන ගමන් චූටි බබාලගෙ ඇස් ඇරිලා නෑ කියන එකයි, අපිට වගෙ හැම පාටම එයාලට පේන් නෑ කියන එකයි දැනගත්තෙත් නංගි නිසා. ඉතින් එයාට හොදටම පේනකන් ඉවසිල්ලක් නැතුව තමා හිටියෙ,එතකොට නෙ එයාට මාව පේන්නෙ. දන්නෙම නැතුව, මාස 4ක් වෙද්දි ඉතින් ඒවා ඔක්කොම හරි ගිහින්, එයාට හිනා වෙන්නත් පුලුවන් එතකොට මාත් එක්ක. මට වඩාගන්නත් පුලුවන් එතකොට එයාව. බබාට ඉදගෙන ඉන්නවත් බෑ හැබැයි ඒ කාලෙ..ඉතින් එයාට ඉදගන්න පුලුවන් වෙනකන් තමා ඊලගට බලන් හිටියෙ.ඉදගන්න පුලුවන් උනේ කොයි කාලෙද කියල හරියටම මතක නෑ හැබැයි.

--6 Months--

දන්නෙම නැතුව මාස 6කුත් ගියා. එතකොට නම් ටිකක් ඉදගෙන ඉන්න පුලුවන්.ඒත් ඉතින් ලගින්ම ඉන්නෝන, තනියම ඉදගෙන ඉන්න තරම් බැරි නිසා. එ දවස්වල මං කෑම්ප් එකකට ගිහින් දවස් 3කට විතර ආයෙ ගෙදර ආපු ගමන් තමයි මේ..

එයා නැති උනාම හරි පාලුයි ඉතින් ඒ දවස් වල, ආපු ගමන් හොයන්නෙ එයාව. එයත් මාව හොය හොය ඉන්නැති ඒ දවස් ටිකේ. ඊටත් පස්සෙ අපි අනු‍රාධපුරෙත් ගියා, ඒ කාලෙ කොරෝනා තිබ්බෙත් නෑනෙ. නංගිත් ඒ කාලෙ ඉදන්ම හරි ආසයි එහෙ මෙහෙ ඇවිදින්න, දැන් නම් එක තැනක ඉන්නම අමාරුයි.අනිත් එක තමා මෙයා සූප්පු බබෙක් වෙලා හිටියෙ, ඒක නැත්තන් නිදාගන්නෙම නෑ. එයා සූප්පුවට කොච්චර ආදරෙද කියනව නම් තනියම හොයල අරන් කටේ ගහගන්නව නින්දෙන් උනත්. එයාව අවුස්සන්න ඕන නම් සූප්පුව ගත්තම හොදටම ඇති.

--8 Months--

ඔන්න ඊට පස්සෙ බලන් හිටියෙ ඉක්මන්ට ඇවිදිනකන්, ඊට කලින් දණ ගාන්නත් ඕන නෙ. මුනින් අතටවත් ඉන්න කැමති නෑ චූටි කාලෙ. මාස 8දි චුට්ටක් එහෙම හිටියා. දණ ගාන්න නම් බෑ ඒත්. ඉදගෙන ඉන්න විතරයි පුලුවන්. මාව හොදට අදුරන නිසා නිතරම අඩල අඩල හොයන් එනවා. ඒ කාලෙ එයාට කෑමත් කවන්න වෙන්නෙ මට ගොඩක් වෙලාවට. නිදි කරවලත් තියනව. නැත්තන් අවුස්ස අවුස්ස ඉන්න එක තමා කරන්නෙ. ගොඩක්ම තරහ ගස්සවන්නෙ චූටි අයියා තමා, දැනුත් වෙනසක් නෑ ඒකෙ නම්. බොංගො එකටත් තට්ටු දාන්න පුලුවන් ඒ කාලෙ, මං හයියෙන් ගහද්දි එයත් ට්‍රයි කරන්නෙ හයියෙන් ගහන්න, අත ගොඩක් රිදෙනකන්ම බොංගො එකට ගහගෙන ගහගෙන යනව නිකන්.

--9 Months--

දණ ගාගෙන යන්න පටන් ගත්තෙ මේ කාලෙ වගේ තමයි. ඒකත් අපේ නෑදෑ වෙන මල්ලි කෙනෙක් කරනව දැකල තමා දවසක් දෙකක් යද්දි නංගිත් දණ ගාගෙන යන්න පටන් ගත්තෙ. ඊට පස්සෙ ඉතින් මොනාහරි ඕන උනාම ගිහින් අරගන්න පුලුවන් නෙ..එතකොටත් බලන් ඉන්නෝන මොනාද කටේ දාගන්නෙ මොනාද අල්ලන්නෙ කියල. ඒ කාලෙ වගේ ඉදලම හරි පන්ඩිතයි, දැන් ඊට වඩා පන්ඩිතයි. කොහොමහරි ඒ කාලෙ ඉදන්ම පුංචි ගෙදර නැති නිසා මම්මා එක්ක තමා එයා හිටියෙ, ඒත් ඉතින් වැඩි හරියක් ඉන්නෙ මාත් එක්ක. ඉතින් නංගි නිසා චූටි බබෙක්ව බලාගන්න, කවන්න, ඇග හෝදවන්න, ඇදුම් අන්දවන්න, නිදි කරවන්න එහෙම සාමාන්‍යෙන් පුලුවන්, ඒත් දැන් නම් පුලුවන් තරම් බේරිලා ඉන්න තමා බලන්නෙ නැත්තන් මගෙ වැඩක් කරගන්න හරි අමාරුයි.

-----------------------------------------------------------------------------------------------------

club5050 pariticipation