Ricky Ponting
ක්‍රිකට් රසිකයන් වේවා හෝ නොවේවා රිකී පොන්ටින් හඳුනන්නේ නැති කෙනෙක් ඉන්නවා කියලනම් මම හිතන්නේ නැහැ.ඩොන් බ්‍රැඩ්මන්ගෙන් පසුව ඕස්ට්‍රේලියානු ක්‍රිකට් ඉතිහාසය තුළ දැනට බිහි වූ ශ්‍රේෂ්ඨතම පිතිකරුවා විදිහට රිකී පොන්ටින් හඳුන්වන්න පුළුවන්.පෞද්ගලික මම ආසම විදියේ batting style එකක් තිබුන ලස්සන ෂොට් වලින් පරිපූර්ණ උන ක්‍රීඩකයෙක් තමයි රිකී පොන්ටින් කියන්නෙ.පිතිකරුවෙක් විදියට පමණක් නෙවෙයි ඕස්ට්‍රේලියාවේ ක්‍රිකට් වලට මේ වන තෙක් බිහි වූ නායකයන් අතර රිකී පොන්ටින් කියන්නේ කිසිම සැකයක් නැතුව අංක එකේ තියන්න පුළුවන් ක්‍රීඩකයෙක්.මොකද ඔහුගේ නායකත්වය යටතේ ලෝක කුසලාන දෙකක් ජයගැනීමටත් බොහෝ තරගාවලි විශිෂ්ට ලෙස ජයගැනීමටත් ඕස්ට්‍රේලියානු කණ්ඩායම සමත් වුණා.හරි ඉතින් අපි බලමුන් පොන්ටින් පිතිකරුවෙක් විදියට කොච්චර සාර්ථකද කියල.
1995 තමයි ජාත්‍යන්තර ක්‍රිකට් පිටියට රිකී පොන්ටින්ගෙ ආගමනය එන්නෙ.එතැන් සිට වසර 17ක් පමණ ඕස්ට්‍රේලියාවේ වගේම ජාත්‍යන්තර ක්‍රිකට් වලට තමන්ගේ සේවය ඉටු කරන එකී පොන්ටින් සමත් වුණා.ටෙස්ට් සහ එක් දින තරග රටා දෙකේදීම ලකුනු 13000 සීමාව ඉක්මවා ලබා ගනිමින් ජාත්‍යන්තර ලකුණු 27000ක පමණ දැවැන්ත සංඛ්‍යාවක හිමිකරුවෙක් තමයි රිකී පොන්ටින් කියන්නේ.ජාත්‍යන්තර ටෙස්ට් පිටිය තුළ ඔහුගේ පිතිකරන සාමාන්‍ය 51 ක තරම් ඉහල අගයක පවත්වා ගැනීමටත් ජාත්‍යන්තර එක්දින පිටිය තුළ ඔහුගේ පිතිකරන සාමාන්‍ය 42 ට ඉහළින් පවත්වා ගැනීමටත් රිකී පොන්ටින් සමත් වෙලා තියෙනවා.ඉතින් රිකී පොන්ටින් කියන්නේ පෝස්ට්‍රේලියාවට විතරක් නෙවෙයි මුලු ලෝකෙම ක්‍රිකට් වලට බිහිවූ දීප්තිමත් තරුවක්.