Legend Murali
අද ලියන්න යන්නේ දවසින් දවස ලියන්න පරක්කු වුනු ක්‍රිකට් ලොව බිහිවූ ශ්‍රේෂ්ඨතම දඟපන්දු යවන්නා ගැන.ඇත්තටම එතෙක් මෙතෙක් බිහිවූ ශ්‍රේෂ්ඨතම දඟපන්දු යවන්නා පමණක් නොව ශ්‍රේෂ්ඨතම පන්දු යවන්නා ඔහුයි.ඔබට විශ්වාස කරන්න පුළුවන්ද ක්‍රීඩකයෙක් ඉනිම් 230දී කඩුලු 800 ලබා ගැනීම.ඇත්තටම මුරලි ඒක සිදුකළා.ඔහු ගත්තේ එසේ මෙසේ කඩුලු නෙවෙයි,ලොව බිහි වූ ශ්‍රේෂ්ඨතම පිතිකරුවන් මීට ඇතුළත් වෙනවා.ඉතින් මට හිතුවා මේ ක්‍රීඩකයා ගැන අද ලිව්වනම් හොඳයි කියලා.ඉතින් මුත්තයියා මුරලිදරන් ශ්‍රී ලංකා ක්‍රිකට් කණ්ඩායම් වෙනුවෙන් වරම් දිනා ගන්නේ 1992 දෙක වර්ෂයේදී ඒ ඕස්ට්‍රේලියානු කණ්ඩායමට එරෙහිවයි.මුරලිගේ පන්දු යැවීමේ ඉරියව්ව නිසා කිහිප වතාවක්ම විවිධ ප්‍රශ්න එල්ල වුවත් පසුව ඒ සියල්ල නිරාකරණය කරමින් ඔහුගේ පන්දු යැවීම නිවැරදි බව තහවුරු වුණා.
ඒ අනුව සියලුම රටවල්වල පිතිකරුවන්ට හිසරදයක් වූ මුරලි කඩුලු දඩයම ආරම්භ කළේ තම හැකියාවන් දිනෙන් දින දියුණු කර ගනිමින්.එක්දින තරග වල සහ ටෙස්ට් තරග වල වැඩිම කඩුලු ලාභියා වීම එතරම් ලේසි පහසු කටයුත්තක් නෙවෙයි.නමුත් එය තමන් සතු කර ගැනීමට මුරලි සමත් වුණා.එක් දින තරඟ වල ජාත්‍යන්තර කඩුලු 534 දවාගෙන තියෙන මුරලි ටෙස්ට් තරග වලදී කඩුලු 800 ලබා ගනිමින් තරග රටා දෙකේදීම ඉහළම කඩුලුලාභියා වෙන්න සමත් වෙලා තියෙනවා.දවසින් දවස වාර්තා අලුත් උනත් මගේ පෞද්ගලික මතය අනුව නම් මේ වාර්තා දෙක නම් වෙනස් වේවි කියලා මම හිතන්නේ නැහැ.ඉතින් ඇත්තටම මුරලි කියන්නේ ක්‍රිකට් වලට බිහිවූ තරුවක්.එය සදාකල්ම දීප්තිමත්ව බැබලෙමින් තියේවි.