Champions Trophy
අද ලියන්න යන්නේ මේ දවස්වල ක්‍රිකට් රසිකයින්ගේ දැඩි කතාබහට ලක්වෙන ශූරයන්ගේ කුසලානය ගැනයි.ඉතින් අවාසනාවට මෙවර නම් ශ්‍රී ලංකා කණ්ඩායමට වගේම බටහිර ඉන්දීයව කොදෙව් කණ්ඩායමටත් ශූරයන්ගේ කුසලානයට සුදුසුකම් ලැබීමට ඉඩ ලැබුණේ නැහැ.ඉතින් ඒ තෝරා ගැනීම ගැන දැඩි කතාබහට ලක් වුණත් දැනටමත් කණ්ඩායම් වර්ගීකරණයේ පස්වෙනි ස්ථානය ලබාගෙන සිටින ශ්‍රී ලංකා කණ්ඩායමට ශූරයන්ගේ කුසලානයට පැමිණීමට නොලැබීම දැඩි අවාසනාවන්ත තත්ත්වයක්.කොහොම හරි ඒ වෙනුවට බංගලාදේශ කණ්ඩායම සහ ඇෆ්ඝනිස්ථාන කණ්ඩායම මේ තරගාවලියට සුදුසුකම් ලැබීමට සමත් වුණා.ඉතින් තරගාවලිය පැවැත්වෙන්නේ පකිස්තානයේ සහ අබුඩාබි ක්‍රීඩාංගන වලයි.
ඉන්දියා කණ්ඩායම පකිස්ථානයේදී තරග වැදීමට අප්‍රසාදය පළ කළ නිසා ඉන්දියා කණ්ඩායම තරංග වදින තරග අබුඩාබි හිදී පැවැත්වෙනවා.ඉතින් තරගාවලිය කාණ්ඩ දෙකකට වෙන් කරලා තියෙනවා.A කාණ්ඩයට , පකිස්තානය ,ඉන්දියාව, බංගලාදේශය සහ නවසීලන්තය ඇතුළත් වෙලා තිබෙන අතර B කාණ්ඩයට ඇෆ්ඝනිස්තානය, දකුණු අප්‍රිකාව, එංගලන්තය සහ ඕස්ට්‍රේලියාව ඇතුළත් වෙලා තියෙනවා.කොහොම හරි කණ්ඩායම් අට අතරේම හොඳ තරගයක් පැවැත්වෙනු ඇතැයි බලාපොරොත්තු වෙන්න පුළුවන්.ඉතින් පෞද්ගලිකව මගේ මතය අනුව නම් නවසීලන්තය, ඉන්දියාව, දකුණු අප්‍රිකාව සහ ඕස්ට්‍රේලියාව අවසන් පූර්ව වටයට සුදුසුකම් ලබනු ඇතැයි මම බලාපොරොත්තු වෙනවා.ඉතිං අපි බලමු ඒක කෙසේ සිදු වේවිදද කියලා.