طاجن باميا

الباميا كتير طيبة وخصوصا لمن نعملها بالطاجن وممكن نعملها من دون طاجن عادي بس سبحان الله الطاجن بعطينا طعم تاني علشان هيك وصفتنا الحلوة هي الطاجن الباميا باللحمة وكتير سهلة وما بتاخد وقت وأعراضها كتير حلوة وبدها مخللات وزيتون وفلفل

بنجيب الطاجن وبنغسله وبنحضر البصلة وبنقطعها مكعبات صغيره ونضعها في الطاجن وبنحركهم مع بعض منيح وبعدين بنقطع اللحمة مكعبات صغيره وبنضعها فوق البصلة وبنحركهم ومن ثم نضع الماء ونضع الملح والفلفل الأسود والكمون والحبهان المطحون وسبع بهارات وورق الغار وبذرة قرنفل ونغطيها بالقصدير لحتى تستوي اللحمة معنا بنزل الباميا وبنضع الصلصة حسب الطاجن معنا كان كبير بنكتر كان صغير بنقلل

وبعدين بنغطيها حتى تستوي الباميا معنا وبعد الإستواء بنحضر القلاية تبعتها وهي تومة وورق ريحان أو حبق وملح وبنجيب مقلاة بنضع القليل من الزيت وبنضع الثومة المهروسة والحبهان والملح ونحمصهم على الغاز وبعدين بنضعهم فوق الطاجن وبنحركهم مع بعض وبنحضر طبق التقديم وبنضع الطاجن فيه وبنحضر الفلفل المخلل والخيار ووالزيتون وبنعمل معها طبق رز بالشعيرية وبنضعه بالطبق وهيك خلصت وصفتنا البسيطة

الصورة من تصويري