「報喜不報憂」?

其實英國唔係一個最適合港人移民國家
因為好多嘢都唔港人friendly

嘢唔好食 乜都收錢 人種又多
口音地區化 醫生警察喺港人口中都係癈
人工少 天氣差 水又會令人甩頭髮
住屋環境又冇北美洲咁好
唐人街少 超級市場櫃員機又冇中文

你會問 咁點解有條網上仆街花生友
成日係咁報喜不報憂？
因為移民去另一個地方生活
心理調節好緊要 呢個唔係呀Q
而係生活態度嘅一種

回返樓上...

嘢食冇毒 多元社會 本土文化
警隊冇槍都控制得到治安
醫生唔開藥人都好得返抗體高咗
貧富懸殊低 天氣乾少細菌 水冇鉛
間屋細得嚟唔怕有賊入都唔知
遠離唐人街少接觸味精同陸客

至於中文超級市場同櫃員機...
如果你連超級市場同櫃員機嘅英文都
唔識睇 返香港或者去加拿大住喇

所以花生友表示：
呢啲唔係叫 「報喜不報憂」
而係「正面做人」 (完)