"Febuary Sickness" sakit sa mga wala kaila og tinuod nga GINOO.
Sakit jud ni pag muabot na ang bulan sa Pebrero. Dili mo blind para dili makabantay ani. Sa Facebook, puro heart2x, nangita ug ka-date, Hashtag single, unsa diay naa anang February 14?, Daghan kayo igsoon, in-short sickness jud siya pag february. Pero unsay source diay ana? si Valentine, si cupid or kinsa pa ba? Siguro makaingon ta nga "ka bitter ba sa admin ani", "KJ lagi ni sya ay", pero dili man sa ingon nga KJ or bitter, gusto lang nako ninyo mahibal-an kung unsa ang tinuod. Karon basaha ni.
Usahay naga celebrate ta ug usa ka event kay nag celebrate pud ang lain, question, nasabtan ba nato nganong nag celebrate ta? o tungod sabay nalang daghan bitaw mi. Valentines day, kabalo ka unsa ang origin ana? kung kabalo ka, then maayo kay dili ka blind, question na sad, nalipay ba ang Ginoo nganong nag celebrate ka ana? Kung nalipay, padayon kasi mao man kaha na ang nasabtan nimo, pero sultihan taka igsoon, daghan pa ka ug wala nahibal-an sa original origin ana. Si Cupid? kaila ka ana? klarohon lang nato karon nga dili siya angel sa Ginoo ha, diosdios na siya. Karon balikon nako ang question, nalipay ba si Lord anang pag cupid2x nimo diha? Kita kasi usahay tao sa ngalan lang nga malipay ta, wala na tay pakialam sa bation sa lain. Naay feelings ang Ginoo, igsoon. Pilia tong mga butang nga ikalipay Niya.
This is an open rebuke kay gihigugma tamo tanan diri. Dili ni ingon para but-an mo, dili ni para ingon nga pakaulawan mo. Pero abrihi ang mga mata ninyo. This is a PAGAN CELEBRATION ug dili malipay ang Ginoo ani. Kailangan ba jud karong bulana lang maghigugmaay, dili ba pwede adlaw-adlaw? Kailangan ba jud diay nga naa kay kapares karong bulana, ang Ginoo diay imong paresan? Ayaw himoa ning bulana nga mura kag kalinturahon pag dili makakita ug mauyab. Matabunan usahay ang mga plano sa Ginoo tungod ginapairal nato ning mga butang gna ing-ani.
Igsoon, pwede man dili magdali. Pwede sad magpaabot. Ug mas labaw nga pwede musalig sa mga plano sa Ginoo. Ayaw iasa ang kaugmaon nimo kay Valentine ug kang cupid. Wa jud kay lauman anang duha kabuok. Sorry if na-offend mo, sorry if nasakitan mo, pero honest words are painful. Ug hinaot ko nga kung nasakitan mo, tuguti ang Ginoo nga muayo ana. Nindot ang plano sa Ginoo, igsoon. Ayaw dalii ang mga butang tungod lang kay ginabuhat na sa uban. Dili ka mamatay kung wala kay uyab. Dili ka kulang kung wala kay partner. Busaa ayaw tuguti nga nga kalinturahon ka aning bulana anang mga nag long nga naay ma partner.
Ang kalipay ni Lord para sa atoa usahay dili nato ma-appreciate. Pero sultian ta ka nga asta jung sulita. Way partner? Way problem, Naa koy GINOO!
#Buhaykristiyano
#Langitranaayporeber
