Catch Me If You Can
source
ඉතින් යාලුවනේ ඔයාලා හැමෝම පරිස්සමෙන් ඇති කියලා හිතනවා.ලංකාවේ ලොකුම හොරා කිව්වොත් ඔයාගේ මතකෙට එන ප්‍රධාන චරිතයක් ඉන්නවා නේද?? නෑ නෑ අද කතා කරන්නේ එයා ගැන නෙවෙයි.ලෝකෙ බිහිවුණු ලොකුම හොරෙක් ගැන ලියවුනු සුපිරිම ෆිල්ම් එකක් ගැන.ඔයා මේ ෆිල්ම් එක දැනටමත් බලල නැත්නම් මේක නම් මගහැරගන්න වටින ෆිල්ම් එකක් නෙමෙයි,හරි ඉතින් ලොකුවට කයිවාරු ගහන්නැතුව කියන්නම්කෝ වෙනද වගේම ෆිල්ම් එක පටන් ගන්නේ මොන විදිහටද කියලා.
ෆ්‍රෑන්ක් කියන්නේ අවුරුදු 17ක තරුණ පිරිමි ළමයෙක්. ෆ්‍රෑන්ක්ට සහෝදර සහෝදරියන් කිසිවෙක් නැහැ ඉන්නෙ අම්මයි තාත්තයි විතරයි.මේ වෙනකොට ෆ්‍රෑන්ක්ගේ පවුල ආර්ථික මට්ටමෙන් ගොඩක් දුරට පහලට වැටිල තමයි ඉන්නෙ.අන්න ඒ නිසාම ෆ්‍රෑන්කගේ අම්මයි තාත්තයි පවා වෙන් වෙනව.ඉතින් මේ නිසාම ෆ්‍රෑන්ක්ට් තෙරෙනව සතුටින් ඉන්න නම් සල්ලි තමයි අංක එක, සල්ලි තිබුනනම් අම්මයි තාත්තයි පවා වෙන් වෙන්නේ නැහැ කියලා.නමුත් ෆ්‍රෑන්ක් සල්ලි හම්බ කරන්න යොදා ගන්නේ බොහොම භයානක නරක විදියක්.ඉතින් මේ ක්‍රමය මොකක්ද? මීට පස්සේ ෆ්‍රෑන්ක්ට් මොන මොන විදියේ ප්‍රශ්න වලට මුහුණ දෙන්න සිදුවේවිද?කොහොම හරි ඔන්න ඔය විදියට තමයි ෆිල්ම් එක ආරම්භ වෙන්නේ.ලෝකේ ඕන තරම් ෆිල්ම් බිහිවෙනවනේ නමුත් අති විශිෂ්ට කියලා බිහිවෙන්නේ ෆිල්ම් අතලොස්සක් පමණයි.ඉතින් ඒ අතලොස්සට බය නැතුව නම් කරන්න පුළුවන් Imdb 8.1ක දැවැන්ත අගයක් ලබා ගැනීමට සමත් වුණු මේ ෆිල්ම් එකේ නම තමයි Catch Me If You Can.