Steem Cameroon Contest : Best Day of the Week ( 24th Mar - 30th Mar 2025 )

السلام علیکم ،

31 مارچ ہمارے لیے سال میں خوشیوں بھرا دن ہو ثابت ہوا۔
کیونکہ اس دن پہلی شوال تھی اور ہ اس دن ماری عید الفطر منائی جاتی ہے۔

صبح ساڑھے چار بجے فجر کی نماز ادا کر کے چھ بجے سے سات بجے تک ہمیں تیاری کا ٹائم دیا گیا اور ہم نے عید کے لیے تیاری شروع کی سب نے رنگا رنگ نئے کپڑے پہنے اور مردوں نے نیا سوٹ پہن کر عید کی نماز کے لیے مسجد کا رخ کیا جبکہ عورتوں نے گھر میں تیار ہو کر عید کی تیاری شروع کی۔

ہم عید منانے کے لیے اپنی سسرال جاتے ہیں۔وہاں پر میرے شوہر اور ان کے بھائی اور شوہر کے بھائیوں کے بچے سب مل کے عید کی نماز کے لیے مسجد چلے گئے اور ہم عورتوں نے گھر میں ناشتہ بنانے کے بعد اس کو اہتمام کے ساتھ سرو کیا۔

اتفاق کی بات ہے سب بھائیوں نے اف وائٹ کلر کی ڈریسنگ کی ان کے بچے بھی سارے اف وائٹ شلوار قمیض میں ملبوس تھے اور سارے بہت ہی خوبصورت لگ رہے تھے۔

بچیوں کے رنگ زیادہ تر ہرے اور گلابی پر مشتمل تھے۔
تیار ہو جانے کے بعد سب بچیوں نے باہر جا کر تصاویر کھینچیں .

رنگا رنگ کپڑوں میں ساری بچیاں تتلیوں کی طرح اڑی پھرتی تھیں۔بالکل ایسے جیسے گلشن میں بہار اگئی ہو۔ہر بچہ چہرے پہ خوشی کی چمک لے کے گھوم رہا تھا۔

مرد، عورتیں، لڑکیاں، لڑکے ،حتی کہ نو مولود بچے تک بہت سج دھج سے تیار تھے۔

تھوڑے تھوڑے وقفے سے گھر میں مہمان ا رہے تھے اور ان کی وجہ سے الگ رونق لگی ہوئی تھی۔مہمانوں کو اور ان کے بچوں کو عیدی اور اپنے بچوں کو عیدی دینے کا سلسلہ جاری تھا۔

لذیذ کھانوں سے لطف اندوز ہوتے ہوئے اس دن کی خوشیاں دوبالا ہو گئی۔

اگر میں یہ کہوں کہ یہ دن ہماری زندگی کے یادگار دنوں میں سب سے بہترین دن تھا تو غلط نہ ہوگا۔امید کرتی ہوں دنیا بھر کے تمام مسلمانوں کا عید کا دن بہترین گزرا ہوگا اور واقعی وہ اس ہفتے کا سب سے خوبصورت دن ہوگا۔

اس خوبصورت مقابلے میں میں اپنے اسٹیمٹ کے کچھ ساتھیوں کو بھی دعوت دینا چاہتی ہوں۔
@suryati1,@fahadkhan,@yousufharoon